சித்தாண்டி –மாவடிவேம்பு பத்திரகாளி அம்மன் ஆலயத்தில் இன்று ஏறாவூர் பற்று பிரதேச செயலாளர் திரு உதயசிறிதர் அவர்களின் தலைமையில் தைப்பொங்கல் விழா நடைபெற்றது.இந்துசமய கலாசார அலுவல்கள் திணைக்களமும், மட்டக்களப்பு மாவட்ட செயலகமும் இணைந்து ஏற்பாடு செய்திருந்த இந்நிகழ்வில் பிரதம அதிதியாக திருமதி பி.எம்.சார்ள்ஸ் அவர்கள் கலந்துகொண்டதுடன், உதவி அரசாங்க அதிபர் மற்றும் மாவட்ட செயலக உயர் அதிகாரிகள், பிரதேச செயலக உயர் அதிகாரிகள் , கிராம உத்தியோகத்தர்களும் கலந்துகொண்டனர். நிகழ்வுகளில் சித்தாண்டி , மாவடிவேம்பு பிரதேச பெருமளவிலான மக்களும் பங்குபற்றியிருந்தனர்.
வரவேற்பு நிகழ்வுகளுடன் ஆரம்பித்த பொங்கல் விழாவானது பின்னர் தீபமேற்றல், பொங்கல் ஆரம்ப வைபவம் மற்றும் இதர நிகழ்வுகளுடனும் சிறப்பாக இடம்பெற்றது. செங்கலடி மத்திய கல்லூரி மாணவிகளின் நடண நிகழ்வும், வந்தாறுமூலை மத்திய மகா வித்தியாலய மாணவர்களின் இனஒற்றுமையினை வலியுறுத்தும் நாடகமும் நிகழ்வுக்கு மேலும் வலுவூட்டுவதாய் அமைந்திருந்ததுடன், பார்வையாளர்களையும் மகிழ்ச்சியில் ஆழ்த்தியது.
.JPG)
