சித்தாண்டி மாணவன் வர்த்தக பீடத்திற்குத் தெரிவு

வந்தாறுமூலை மத்திய மகா வித்தியாலயத்திலும் கல்வி பயின்ற அழகேந்திரம் - சதீஸ் என்ற மாணவன் மாவட்ட மட்டத்தில் 51 ஆவது இடத்தைப் பெற்று பல்கலைக்கழக வர்த்தக பீடத்திற்கு தெரிவாகியுள்ளார். சித்தாண்டி - 01, புகையிரத வீதியைச் சேர்ந்த அழகேந்திரம் - ஞானம்மா ஆகியோரின் இரண்டாவது புதல்வரான குறிப்பிட்ட மாணவர்,  பொருளியல் - A,  கணக்கீடு - A, வணிகக் கல்வி - B  ஆகிய பெறுபேறுகளைப் பெற்றுள்ளார். 

 

 பல்கலைக்கழகம் தெரிவானமை தொடர்பாக கருத்து தெரிவித்த குறிப்பிட்ட மாணவர், "தனது பரீட்சைக் காலத்தில் தந்தை நோயடைந்திருந்தபோதும் தனது பரீட்சைக்கு பரீட்சை மண்டபம் வரை அழைத்துச் சென்று வழியனுப்பி வைப்பதுடன், தனது அம்மா தனக்காக கண்விழித்து பரீட்சைக்காலத்தில் உதவி செய்திருந்தார்கள்.  ஆனால் இன்று எனது பரீட்சை பெறுபேறு நல்ல நிலையில் வந்திருந்தபோது அந்த மகிழ்ச்சியான செய்தியை அறிவதற்கு என்னுடைய தந்தை இன்று இல்லை" என மிகவும் கவலையுடன் தெரிவித்திருந்தார். 

சித்தாண்டி சித்தி வினாயகர் வித்தியாலயத்தில் தனது ஆரம்பக் கல்வியை கற்ற   குறிப்பிட்ட மாணவரின் தந்தையான அழகேந்திரம் என்பவர் கடந்த 19.11.2013 அன்று மரணமடைந்திருந்திருந்தமை குறிப்பிடத்தக்கது.

தனது கஸ்டத்தின் மத்தியிலும் கல்வி கற்று பல்கலைக்கழகத்திற்கு தெரிவான மாணவனுக்கு எமது  மாரிமுத்தன் செய்திகள் - இணைய வலையமைப்பு வாழ்த்துக்களைத் தெரிவித்துக்கொள்கின்றது.

                         (உங்களுடைய  வாழ்த்துக்களையும் இங்கே பகிருங்கள்)