கடந்த வருடத்தில் பல்வேறு துறைகளில் சாதனைகளை நிலைநாட்டிய சுமார் 400 மாணவர்கள் இன்றைய தினம் மட்டக்களப்பு செங்கலடி மத்திய கல்லூரியின் வருடாந்த பரிசளிப்பு விழாவில் கௌரவிக்கப்பட்டனர்.கல்லூரி முதல்வர் கு.அருணாசலம் தலைமையில் நடைபெற்ற இந்நிகழ்வில் தமிழ் தேசிய கூட்டமைப்பு மட்டக்களப்பு மாவட்ட பாராளுமன்ற உறுப்பினர் சீனித்தம்பி யோகஸ்வரன், மீள்குடியேற்ற பிரதியமைச்சரின் இணைப்புச் செயலாளர் திருமதி பேரின்பமலர் மோகனராஜா, கல்குடா வலய பிரதிக் கல்விப் பணிப்பாளர் (நிருவாகம்) திருமதி சுஜாத்தா குலேந்திரகுமார், ஏறாவூர்ப் பற்று 2 கோட்டக் கல்விப் பணிப்பாளர் பொ.சிவகுரு, பாடசாலையின் முன்னாள் முதல்வர் வ.கந்தசாமி, பொறியியலாளர்களான லெ.மயூரன், ஆ.தர்மசீலன், பழைய மாணவர் சங்க பிரதிநிதிகள், பாடசாலை அபிவிருத்திச் சங்க பிரதிநிதிகள், பெற்றோர்கள் மற்றும் நலன்விரும்பிகள் என பலர் கலந்துகொண்டனர்.
பாடசாலை மட்டத்தில் தமது திறமைகளை வெளிக்காட்டிய 326 மாணவர்கள் பரிசில்கள் வழங்கி கௌரவிக்கப்பட்தோடு, விஞ்ஞான முன்னேற்றச் சங்க வினாவிடைப் போட்டி, விஞ்ஞான அறிவுப் போட்டி, தமிழ்மொழி தினம், ஆங்கில மொழி தினம் விளையாட்டு போட்டிகளில் மாவட்ட மற்றும் மாகாண மட்ட போட்டிகளில் வெற்றிபெற்றவர்களும் நினைவுச் சின்னங்கள் வழங்கி கொரவிக்கப்பட்டனர்.
கடந்த வருடம் நடைபெற்ற தரம் ஐந்து புலமைப் பரிசில் பரீட்சையில் சித்திபெற்ற 23 மாணவர்களுக்கு நினைவுச் சின்னங்கள் வழங்கப்பட்டதோடு 187 புள்ளிகளைப் பெற்ற மாணவன் முருகேசன் ரகுவர்ஷன் அமரர் சின்னத்தம்பி சம்பந்தமூர்த்தி ஞாபகார்த விருது வழங்கி கௌரவிகக்ப்பட்டார்.
தமிழ்மொழி தினம் பரத நாட்டிய போட்டியில் தேசிய மட்டத்தில் மூன்றாம் இடம்பெற்ற மாணவி கிஷானி சுந்தரலிங்கம் அமரர் வீ.சிவகுமார் ஞாபகார்த்த விருது, க.பொ.த சாதாரண தரப் பரீட்சையில் சிறந்த பெறுபேறு பெற்ற மாணவன் வன்னியசிங்கம் யசோத்மன் அமரர் பி.முத்துப்பிள்ளை ஞாபகார்த்த விருது, க.பொ.த உயர் தரப் பரீட்சையில் சிறந்த பெறுபேறுகள் பெற்ற விஞ்ஞான பிரிவு மாணவன் அமரசிங்கம் துவாரகன் அமரர் பூ.கிருபாநிதி ஞாபகார்த்த விருது, வர்தகப் பரிவு மாணவி சர்மிலி சிவஞானம் அமரர் வெ.கண்ணையா ஞாபகார்த்த விருது, கலைப் பிரிவு மாணவி மினுத்ராஜினி கனகசபை அமரர் சின்னத்தம்பி சம்பந்தமூர்த்தி ஞாபகார்த விருது வழங்கி கௌரவிகக்ப்பட்டார்.
ஆண்டிற்கான சிறந்த விளையாட்டு விராங்கனையான கிருஷாயினி புவனேந்திரன் மற்றும் விளையாட்டு விரனான கணேசமூர்த்தி விஜயராஜ் ஆகியோருக்கு அமரர் ஆ.சீனித்தம்பி போடியார் ஞாபகார்த்த விருதுகள் வழங்கி கௌரவிக்கப்பட்டனர்.
ஆண்டின் சிறந்த மாணவியான லக்ஷனா லோகிதராஜா மற்றும் சிறந்த மாணவனான மகேஸ்வரன் தர்ஷன் ஆகியோர் அமரர் ஏ.எல்.தங்கமுத்து ஞாபகார்த்த விருது வங்கி கௌரவிக்கப்பட்டனர்.
